Ўзбекистон Россия қамоқхоналаридаги фуқаролари сони бўйича етакчи давлатлар қаторида экани маълум қилинди

Россия қамоқхоналарида 2018 йил 1 июль ҳолатига кўра 27 780 нафар чет эллик жазо ўтамоқда. Бу ҳақда Россия Федерал жазони ижро этиш хизмати маълум қилди.

2017 йилнинг биринчи ярми билан таққослаганда, Россия қамоқхоналаридаги чет элликлар сони 5,5 фоизга камайган.

Қайд этишларича, Россия қамоқхоналарида жазо ўтаётган чет элликларнинг энг кўпи Тожикистон, Ўзбекистон, Озарбайжон ва Қирғизистон фуқароларидир.

Россия мигрантлар федерацияси президенти Вадим Коженовнинг айтишича, Россия қамоқхоналаридаги чет элликлар сони Россия келаётган мигрантлар сони қисқаргани боис камайган.

Манба: daryo.uz

• email
• facebook
• twitter

Back to the list