Москвада хорижлик таксичилар ва курьерлар бепул коронавирусга қарши эмланиши мумкин

Аввалроқ “Яндекс” компанияси Москва мэриясига уларнинг фуқаролиги ва тиббиёт суғуртаси мавжудлигидан қатъи назар таксичилар ва курьерларга бепул эмланиш имкониятини беришни сўраб мурожаат қилган эди.

Москва ҳукумати чет эллик ҳайдовчилар ва курьерларни коронавирусга қарши эмлаш тўғрисидаги таклифни қўллаб-қувватлади. Бу ҳақда пойтахт Транспорт департаменти матбуот хизмати хабар қилди.

Аввалроқ “Яндекс” компанияси Москва мэриясига уларнинг фуқаролиги ва  тиббиёт суғуртаси мавжудлигидан қатъи назар таксичилар ва курьерларга бепул эмланиш имкониятини беришни сўраб мурожаат қилган эди. Ҳозир эмланиш учун суғурта талаб этилади.

“Яндекс” таклифини қўллаб-қувватлаймиз”, - дейилади хабарда.

Транспорт департаменти раҳбари Максим Ликсутов Москва ҳукумати барча такси компаниялари ҳайдовчилари учун эмлашни ташкил этишга тайёрлигини билдирди.

“Ҳамма компаниялар ҳамда турли етказиб бериш хизмати курьерларини таклиф этамиз”, - деган у.

Хабарда эмланиш мумкин бўлган манзиллар сал кейинроқ эълон қилиниши қўшимча қилинган.

Эслатиб ўтамиз, аввалроқ Роспотребнадзор раҳбари Анна Попова мигрантлар қачон COVID-19’га қарши эмланиши ҳақидаги саволга жавоб берган эди.

• email
• facebook
• twitter

Back to the list