Бошқирдистондаги иссиқхонада ишлаётган 53 нафар ўзбекистонликда коронавирус аниқланган

kommersant.ruнинг  маълум қилишича, Бошқирдистон республикасининг Салават туманида жойлашган Малояз қишлоғидаги  «Горний» иссиқхонасида ишлашаётган 68 нафар ўзбекистонликда коронавирус аниқланган.

 Ўзбекистонлик муҳожирлар бу ерга ишлаш учун февраль ойида келган. Ишчиларни қабул қилувчи томон — Москванинг «Стандарт плюс» компанияси уларни «Сказка» меҳмонхонасига жойлаштирган. Меҳмонхона Челябинск вилояти чегараси яқинида жойлашган.

Ўзбекистонлик муҳожирларда касаллик белгилари дастлаб 10 май куни пайдо бўла бошлаган. Эртаси куни Роспотребнадзор барча ишчиларни текшириш бўйича кўрсатма берган. 12 май куни иссиқхона ходимлари изоляцияга юборилган. Шу куннинг ўзида икки кишида COVID-19 аниқланган. 

Роспотребнадзорнинг Бошқирдистондаги бошқармаси маълум қилишича, уларнинг беш нафари Месягутоводаги, уч нафари эса — Кигинскдаги касалхонага ётқизилган. Қолган 45 нафар беморда касаллик енгил ўтмоқда ва улар меҳмонхонада қолган. Меҳмонхонанинг ўзи карантинга олинган.

«Горний» иссиқхона комплексида 550 киши ишлайди. «Агропарк Урал» компанияси раҳбари Евгений Батуриннинг сўзларига кўра, компания ўзбекистонлик муҳожирлар билан йил охирига қадар келишувга эга. 

Манба: darakchi.uz

• email
• facebook
• twitter

Back to the list