Самарқанд—Тошкент—Санкт-Петербург йўналишида доимий автобус қатнови бошланди

25 февраль, сешанба кунидан бошлаб, Самарқанд—Тошкент—Санкт-Петербург йўналишида мунтазам автобус қатнови ўз фаолиятини бошлади. Бу ҳақда Ўзбекистон Транспорт вазирлиги хабар берди.

Маълум қилинишича, 25 февраль, душанба куни, соат 09:00 да Самарқанд автовокзалидан йўлга чиққан автобус «Тошкент» автовокзалидан қўшимча йўловчиларни олиб, Санкт-Петербург томон йўл олди. Мазкур йўналишнинг қатнов масофаси 4436 километрни ташкил этади. Йўловчилар Санкт-Петербург марказий автовокзалига етказиб қўйилади.

Мазкур йўналиш учун чипта нархи Самарқанддан 840 000 сўм Тошкентдан эса 800 000 сўмни ташкил этади. Йўналишда Ўзбекистон томонидан Uzautotrans service МЧЖ ва Россиянинг «ТТК Глобус» МЧЖ компаниялари йўловчиларга хизмат кўрсатади.

Аввалроқ Тошкент—Омск ҳамда Тошкент—Москва —Тошкент йўналишида мунтазам автобус қатнови йўлга қўйилиши ҳақида хабар берилган эди. Тошкентдан Москвага мунтазам қатновчи автобуснинг биринчи рейси 3 кишига хизмат кўрсатди.

Манба: daryo.uz

• email
• facebook
• twitter

Back to the list